最近睇咗役所廣司主演嘅《完美的日子》，對於infj嚟講簡直係良藥。平山先生嘅日子好簡單，起床、淋花、買咖啡、上班、影相、食麵、夾唔中買磁帶、買書，周而復始。係有啲人眼中咁樣嘅日子可謂無聊，但係喺我眼中卻是一種完美嘅平衡，日子按住自己嘅節奏嚟行，加之最近持續兩個月無休嘅加班，當我自己嘅「完美日子」被破壞之後更加發覺到呢個微妙嘅平衡對於一個人嘅影響有幾大。 呢部電影比我嘅另一個感受就係弱社交，雖然人作為社會化動物社交係必不可少嘅，但係社交嘅程度係可以控制嘅。無需太多嘅社交同接觸。日子一旦剝離繁瑣嘅社會關系人情世故就輕鬆很多。 仲有就係平山先生對於物理介質嘅使用。一本本紙質書，一卷卷磁帶，一卷卷菲林，所有介質都有自己嘅功能。係呢個數碼時代手機可以解決以上所有功能，但係物理介質同樣有佢嘅獨特魅力，書本翻頁嘅聲，菲林機過片嘅聲，磁帶轉動嘅聲，每一種聲音都話緊畀你知你喺度做緊一樣嘢，一種獨特嘅正反饋。 話說聽日出去蒲，係時候帶埋台菲力機出去影一影。